Cipt. Baru Simanjuntak
adong na so boi tarlupahon au
ditingki ro au mandapothon ho
mengkel do ho lambok bohimi
marbunga bunga ma nang rohangki
adong na so boi tarhatahon au
dung hupasahat tu ho hatangki
mengkel do ho manetek ilumi
mansai uli ma tahe tingki i
[***]
pos situtu rohangki hasian
di unduk ho hatangki
tung so marsirang be hita ito
ho ma di au ho nampuna au
unang be lomos roham da ito
ingot ma padanta i
tung so tarsirang be au sian ho
au ma di ho au nampuna ho
adong na so boi tarpaboa au
ngali ni ari lungun borngin i
alai rohanta sonang tung uli
lalap ma hita nadua di si
[***]
lalap ma hita nadua di si
